توته توته توته .. لبواني أكل الترته ..خلص الشعب السوري والحتوته

 قال اليوم كمال لبواني في تصريح لـ “زمان الوصل” أنه يجب القاء القبض على رئيس الائتلاف الوطني المستقيل معاذ الخطيب  لأنه قام بإيهان الأمة زمن الحرب و لأنه “لعب على مشاعر الشعب السوري”. و فيما يلي ندائي و رجائي من السيد لبواني

معاذ الخطيب. رئيس الائتلاف السوري المستقيل

معاذ الخطيب. رئيس الائتلاف السوري المستقيل

القط بياكول عشاك
و يا لبواني ماذا دهااااك ؟
الشعب السوري لقفاك
يموتوا يعيشوا لا تهتم
وحش الثورة وبتشرب دم
برأيك انو
“لعب الخطيب على مشاعر الشعب السوري”
لأنو
“قال يكفي دماراً بينما يوغل النظام قتلاً “و خراباً
و انك لو كنت قاضي
لأصدرت أمر اعتقالي
بحق الرئيس المؤتلف
معاذ الخطيب المحتال!

يا لبواني وحد الله
الشعب السوري كلو كلو عقلو برا !؟
كلو برأيك مسطول ؟
و المشاعر حيالله؟
و سهل ينلعب فينا ؟
متل الطابة متل النيننتندو يا وحش الغابة
(بقص ايدي اذا بتعرف شو هي نينتندو.. المهم..ما علينا.. خلينا نكمل)
نحنا الشعب الحباب
الملعوب بـ … مشاعرنا
لو ترحمنا لو تنصحنا
لو بتقلنا كيف تغرر فينا
بركي منتربى بخطأنا
و بتقوى أكتر مشاعرنا

كرمال اللي ماتوا زرعها بهالدقن
و ارضى عنا يا أمير !
ونحنا منسوق الحمير!
عالغابة و منعمل بكنك ع شراشف كرويات حمرا و بيضا
ومنقليلك شي بيضا .
يمكن تعتبرها رشوة
ابتزاز
أو تلاعب بالمشاعر
بس والله القصة مو هيك
نحنا بس بدنا رضاك
نحنا بصراحة خايفين
لك انت مستقل ……………
بالمادة ميتين و سته و تمانين
كلو الا 286.
يستور عرضك يا سيدي! يا لبواني سيدي!

بشار
الخطيب
وصبرا
الكزبري
حمشو
والشلاح
يستور عرضك حاجة تشلفنا أسماء
نحنا ما بدنا دليل
فيك وثقنا
و عاهدناك وبقيانين
بس لا تضربنا
بال 286 ميتين و ستاوتمانين
نحنا أبريا و معترين
تلاعبوا بمشاعرنا و عن ملذاتنا شحنا تايبين
و يا سيدي اللبواني ندمانين ندمانين

سلمناك الراية
والبيعة أبدية
منحبك منحبك منحبك
صبح و ضهر و عشية
جوا و برا
ببيت المي و بيت المونة
يا لبواني منحبك موت ..
وفدا صرماية مخك ..
الشعب السوري كلو يموت

و توته وتوته و توته

لبواني أكل الترته

و توته وتوته و توته

خلص الشعب السوري مع الحتوته

Kamal-allabwani

كمال لبواني

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: